100 йил кутилган рекорд 07.06.2022 16:28Италиялик Антонино Пиззолато Европа Чемпионатида иккита жаҳон рекордини ўрнатди.
Антонино Пиззолато Албаниянинг Тирана шаҳрида бўлиб ўтган Европа чемпионатида ажойиб кўрсаткичи билан Жаҳон рекордини ўрнатди.
Пиззолато бир неча ўн йилликнинг энг яхши оғир атлетикачиларидан бири бўлган болгариялик Карлос Насарни мағлуб этиб, жаҳон рекордини ўрнатди. Бу борада у, иккинчи италиялик оғир атлетикачи бўлди – аммо буни амалга ошириш учун 100 йил вақт талаб қилинди.
Олимпия ўйинларининг янги вазни бўлган 89 кгда, ўзининг биринчи мусобақасида Пиззолато даст кўтаришдаги биринчи уринишини (170 кг) муваффақиятсиз амалга оширди, аммо шундан кейин уни тўхтатиб бўлмади.
Кетма-кет 5 та муваффақиятли уринишнинг энг сўнггиси 217 кг оғирликдаги тошни бўйсундириш билан якунланди ва Пиззолато силтаб кўтаришда ва Умумий ҳисобда иккита жаҳон рекордини ўрнатди.
1920 йилги Олимпиада чемпиони Филиппо Боттинодан олдин ҳам, ундан кейин ҳам бирорта италияликка Жаҳон рекордини ўрнатиш насиб этмаган эди.
Грузиялик супероғир вазнли Лаша Талахадзедан ташқари, Пиззолато Оғир Атлетика бўйича эркаклар ва аёллар ўртасида Умумий ҳисобда Жаҳон рекордини ўрнатган ягона европалик ҳисобланади.
Италия Оғир Атлетика Федерацияси президенти сифатида жуда илғор ривожланиш дастурини бошлаган Антонио Урсо Пиззолатони муваффақияти билан қутлади.
«100 йилдан сўнг итальян оғир атлетикаси нафақат қитъа ва жаҳон олтин медалларини қўлга киритди, балки бугун биз ўз халқимиз ва бутун дунё Олимпия оғир атлетикаси учун тарих саҳифасини ёзишга муваффақ бўлдик», деди Урсо.
