График работы:
Д-Ж 9.00-18.00
Название
наш Адрес:
Тошкент ш. Чилонзор тумани Фуркат 15/1
ЗВОНИТЕ НАМ

Ёшлар ўртасида Ўзбекистон чемпионатининг очилиш маросими бўлиб ўтди

« Back

Ёшлар ўртасида Ўзбекистон чемпионатининг очилиш маросими бўлиб ўтди 21.11.2020 22:02

Хабарингиз бор, айни кунларда пойтахтимизда дзюдо бўйича ёшлар ўртасида Ўзбекистон чемпионати бўлиб ўтмоқда. Бугун мусобақанинг тантанали очилиш маросими ташкил қилинди. Байрамона руҳда ўтган тадбирда МОҚ раиси Рустам Шоабдураҳмонов ва Бош котиб Ойбек Касимов, раис ўринбосарлари Азизжон Камилов, Сакен Полатов, Шерзод Ташматов, Жисмоний тарбия ва спорт вазирининг биринчи ўринбосари Равшан Ирматов иштирок этишди. Маросимда сўзга чиққан расмийлар бу йилги чемпионатнинг ўзгача шиддатли руҳда ўтаётгани, пандемия даври бўлишига қарамасдан ҳукуматимизнинг спортни ҳар томонлама қўллаб-қувватлаётганига алоҳида урғу бериб ўтишди.

Сизлар билан узоқ танаффусдан сўнг ўтказилаётган дзюдо бўйича ёшлар ўртасидаги Ўзбекистон чемпионатида кўришиб турганимиздан хурсандмиз. Бу ёш тоифаси жуда ҳам муҳим ҳисобланади. Катталар терма жамоасига энг яқин захира. 2024 йилги Париж Олимпиадасида айнан сизлар Ўзбекистон шарафини ҳимоя қилишингиз мумкин. Шунинг учун ҳам сизларни машғулотларга жиддий эътибор қаратишга, ўз устингизда янада кўпроқ ишлашга чақираман. Сизлардан умидимиз катта. Ҳукуматимиз томонидан қаратилаётган жуда катта эътибор, берилаётган ғамҳўрликни қадрига етиш, имкониятлардан максимал даражада фойдаланиш керак”, – деди Азизжон Камилов.

Маросим якунига етгач мусобақанинг иккинчи кун дастуридан ўрин олган финал беллашувларига старт берилди.


новости
31 Января 2023
Ёшлар сиёсати ва спорт вазирлиги раҳбариятида янги лавозим тайинловлари амалга оширилди.
25 Января 2023
Жорий йил Хитойнинг Ханчжоу шаҳрида ўтказиладиган ёзги Осиё ўйинлари келгуси йил Париж-2024 ёзги Олимпия ўйинларига тайёргарликнинг энг юқори нуқтаси ҳисобланади.
23 Января 2023
Осиё ўйинларидаги оғир атлетика мусобақалари ва Халқаро оғир атлетика федерацияси (IWF) жаҳон чемпионати ўртасидаги тафовутни кенгайтириш мақсадида Ханчжоу-2022 Осиё ўйинларида оғир атлетика мусобақаларининг янги саналари эълон қилинди.
19 Января 2023
2023 йил оғир атлетика мусобақалари Самарканд шахри мезбонлик қиладиган ўсмирлар ўртасидаги Ўзбекистон чемпионати билан бошланади.
16 Января 2023
Ушбу қитъа чемпионати Париж-2024 Олимпиадасига рейтинг очколарни тақдим этиши билан эътиборлидир.
Адрес:
Тошкент ш. Чилонзор тумани Фуркат 15/1