График работы:
Д-Ж 9.00-18.00
Название
наш Адрес:
Тошкент ш. Чилонзор тумани Фуркат 15/1
ЗВОНИТЕ НАМ

Олимпиада машъаласи Грециядан Японияга етиб келди

« Back

Олимпиада машъаласи Грециядан Японияга етиб келди 20.03.2020 12:30

Грецияда (қадимги Юнонистон) бу йил Токио шаҳри мезбонлик қиладиган ёзги Олимпия ва Паралимпия ўйинларининг машъаласини топшириш маросими бўлиб ўтди. Тантанали маросимга 1896 йил замонавий Олимпия ўйинларини қабул қилган Афинадаги “Панатинаикос” стадиони мезбонлик қилди. Коронавирус пандемияси сабаб мазкур тадбир ҳам мухлисларсиз ўтказилди. 

Машъала грециялик Рио Олимпиадаси чемпионлари Екатерини Стефаниди (лангарчўпга таяниб сакраш) ва Элефтериос Петрунис (спорт гимнастикаси) томонидан аланга олдирилди. 

5e6f63c279cb1.image

Бундан ташқари маросимда 2 нафар маъбуда кўринишидаги вакил иштирок этди. Улар қисқа эстафетадан сўнг машъалани Греция МОҚ раҳбари ва ХОҚ аъзоси Спирос Капралосга топширди. Кейин эса жаноб Капралос машъалани тантанали равишда Токио-2020 ташкилий қўмитаси вакили Наоко Имотога узатди. 

“Инсон саломатлигига хавф солиши мумкин бўлган ҳолат сабаб биринчи бор эстафетада узилиш қилдик. Бироқ бу ҳол билан Олимпиада машъаласи ўз мавқейини йўқотмайди. Афсуски, машъала аввал режалаштирилганидек ўтмайдиган бўлди. Греция Миллий олимпия қўмитаси Японияга машъалани бирдамлик ва дўстлик ришталари билан узатмоқда. Ният қилиб қоламанки, Олимпиада машъаласининг эстафетаси мамлакатингиз учун қувонч ва умид олиб кирсин. Барчага омад”, – деди Спирос Капралос. 

2020-03-19-Handover-thumbnail-updated

Яна бир аҳамиятли жиҳати ушбу тадбир учун журналистлар аккредитациядан ўтказилмади. Натижада унда бирорта ОАВ ходимлари иштирок этолмади. 

Даставвал мазкур тадбир 55 нафар актёр ижросида саҳналаштирилган шоулар билан ўтиши, шунингдек, унда Грециянинг янги Президенти Катерина Сакелларопулу ҳам қатнашиши режалаштирилган эди. 

Бироз аввал машъала Токио шаҳрига етиб борди. 24 июлга қадар давом этадиган эстафетани япон заминида дзюдо бўйича уч карра Олимпиада чемпиони Тадахиро Номура ҳамда аёллар кураши бўйича уч карра Олимпиада чемпиони Саори Ёшида бошлаб бердилар. Яна бир аҳамиятли томони улар самолёт трапидан тушиш вақтида “Токио Олимпия марши” симфоник мусиқаси янграб турди. Айнан ушбу мусиқий асар 1964 йилги Токио Олимпиадаси учун яратилган эди.


новости
01 Августа 2022
Дунёда ўтадиган Олимпия ёки қитъа ўйинлари бўладими, чемпионатми, кубок баҳслари, ҳаммаси ўз рамзи, логотипи билан ташкил этилади. Қайси бирлари алоҳида кўриниши, дизайни, белгиси билан эсда қолса, қай бирлари икки кундан кейин ёдимиздан чиқиб кетади, лекин...
16 Июля 2022

Ўзбекистон Миллий антидопинг агентлиги, Спортни ривожлантириш вазирлиги, Миллий Олимпия қўмитаси ва Миллий паралимпия қўмиталари томонидан тасдиқланган «2024 йил Париж шаҳрида (Франция) бўлиб ўтадиган ёзги Олимпия ва Паралимпия ўйинларига Ўзбекистон спортчиларини тайёрлашда допинг қўлланилишини олдини олиш ва допингга қарши курашиш бўйича чора-тадбирлари тўғрисида»ги дастурга мувофиқ тадбирлар амалга ошириб келинмоқда.

20 Июня 2022
Бугун 20 июнь куни тонг саҳарда пойтахтимиздаги Ислом Каримов халқаро аэропортида Мексиканинг Леон шаҳрида оғир атлетика бўйича якунланган ўсмирлар ўртасидаги жаҳон чемпионатида 8 та кумуш ва 2 та бронза медалига мушарраф бўлган ёш оғир атлетикачиларимиз тантанали кутиб олинди.
 
15 Июня 2022
Хабарингиз бор, Мексиканинг Леон шаҳри ўсмирлар ўртасидаги Жаҳон чемпионатига мезбонлик қилмоқда. Мусобақа юртимиз шарафини ҳам умидли ёшларимиз муносиб тарзда ҳимоя қилмоқда. Кечагина ўтказилган 73 кг вазн тоифасидаги спортчилар мусобақасида ана шундай умидли спортчимиз Диёрбек Эрматов юртимиз ҳисобига дастлабки медалларни тақдим этди
14 Июня 2022
Мусобақанинг 3-куни 49 кг ва 55 кгдаги аёллар, 67 кгдаги эркаклар баҳслари билан давом этди.
Адрес:
Тошкент ш. Чилонзор тумани Фуркат 15/1