Кун тарихи: 124 йил аввал биринчи замонавий Олимпия ўйинлари якунига етган 15.04.2020 22:3615 апрель санаси спорт соҳасида улкан аҳамиятга эга кунлардан биридир. Зеро, бундан роппа-роса 124 йил аввал Грециянинг Афина шаҳрида биринчи замонавий Олимпия ўйинлари ўз якунига етган.
1896 йилнинг 6-15 апрель кунлари бўлиб ўтган Олимпия ўйинларида 14 мамлакатдан 241 нафар эркак атлет 9 спорт турида 43 та медаллар комплекти учун баҳс олиб борган. Эслатиб ўтамиз, дастлаб Олимпия ўйинларида фақат эркак спортчиларгина иштирок этишган.
АҚШ терма жамоаси 11 та олтин, 7 та кумуш ва 2 та бронза медали билан умумжамоа ҳисобида биринчи ўринни эгаллаган. Мезбонлар эса 10 та олтин, 17 та кумуш ва 19 та бронза билан иккинчи поғонани банд этишган.
