Хоккей бўйича амалдаги Олимпия чемпионларида бош мураббий ўзгарди 08.06.2020 22:11Хоккей бўйича Россия Миллий терма жамоасига янги бош мураббий тайинланди. Амалдаги Олимпиада чемпионларини эндиликда Валерий Брагин бошқарадиган бўлди.
Валерий Брагин йил бошидан терма жамоанинг катта мураббийи лавозимида ишлаб келган. Эътиборлиси, мутахассис бир вақтнинг ўзида Санкт-Петербургнинг СКА жамоасининг бош мураббийи этиб ҳам тайинланган.
Брагин фаолиятининг сўнгги йилларида Россия ўсмирлар ва ёшлар терма жамоаларида бош мураббийи сифатида ишлаб келган. Тажрибали мураббий ушбу жамоалар билан бир мартадан жаҳон чемпионлигини, шунингдек, бир неча бор совринли ўринларни ҳам қўлга киритишга муваффақ бўлган.
Таъкидлаш жоиз, турли ёшлар жамоаларини бошқарган Брагин энди ўша ёш хоккейчилар катталар таркибига ўтгач уларни халқаро мусобақаларга тайёрлайдиган бўлди. Тушуниш мумкинки, Россия хоккей федерацияси бу билан миллий жамоага номзод ҳар бир хоккейчини ёшлигидан биладиган мутахассисни асосий жамоа бошқарувига келтиришни ният қилган.
