График работы:
Д-Ж 9.00-18.00
Название
наш Адрес:
Тошкент ш. Чилонзор тумани Фуркат 15/1
ЗВОНИТЕ НАМ

Ғалаба алангаси. Олимпия машъаласи тарихи

« Back

Ғалаба алангаси. Олимпия машъаласи тарихи 23.05.2020 16:16

Машъала – Олимпия ўйинларининг энг муҳим белгиларидан бири. Ўйинлар очиладиган шаҳарда у аланга олдирилади ва охиригача ёниб туради. Анъана қадимги Юнонистонда чуқур илдиз отган, афсонага кўра, Зевсдан оловни ўғирлаб, одамларга тақдим этган Олимпия алангаси Прометей титани жасоратини эслатиш вазифасини бажарган.

Тарихи

Қадимги юнонлар олов илоҳий инъом эканига ишонишган ва шунинг учун улар бош ибодатхоналар олдида уни ушлаб туришган. Қадимги Олимпия ўйинлари ўтказилган Олимпия бош ибодатхонасида ҳам худди шундай эди. Ўшанда аланга қуёш нурлари ва параболик шаклдаги махсус ойна ёрдамида унинг илоҳий «поклигини» таъминлаш учун ёндирилган.

Ҳозирги пайтда ўйинларнинг тантанали очилиш маросимидан бир неча ой олдин Aфинада Олимпия олови ёндирилади. Aсосан коҳинлар либосидаги 11 актриса аёл маросимни ўтказишади, улардан бири параболик кўзгу ёрдамида ўтни туташтиради. Кейин эстафетада қатнашадиган югурувчиларга машъала узатилади ва уни бир-бирига етказиш билан жараён давом этади.

Aсосий машъала билан бир қаторда, Олимпия алангасидан асосий машъала ёки ҳатто у ёки бу сабабга кўра олов ўчиб қолганда уни сақлаб туриш учун мўлжалланган махсус лампалар ёқилади. Ўйинлар пайтида машъала ўчиб қолган бир неча ҳолатлар ҳам мавжуд, масалан 1976 йилда Монреалда кучли ёмғир пайтида ва 2012 йилда Лондонда ўйинлардан 20 кун олдин худди шундай ҳолат содир бўлган эди.

Машъални ёқиш маросимини ташкил қилиш ҳар доим Греция Миллий олимпия қўмитаси зиммасига юклатилган, у шунингдек югурувчилар томонидан оловни Aфинадаги Панатинаикос стадионига етиб келишини таъминлайди.

Олимпия машъаласи эстафетаси

Бу жараён минглаб спортчи ва миллионлаб мухлисларни бирлаштирган Олимпия ўйинларидан ҳам улканроқ тадбирдек туюлади. Спорт бениҳоя жозибадор. Aммо энг узун Олимпиада камида 3 ҳафта давом этади. Ҳамма ҳам уни томоша қилиш имкониятига эга эмас. Шу сабабли, Олимпия машъаласи эстафетаси – бутун Ер юзида энг йирик спорт ҳаракатига таъсир қилиш учун ҳақиқий имкониятдир.

Олимпия оловининг келтирилиши – мезбон томонга алоҳида туйғу бағишлайди. 1936 йилдан бери машъалачиларнинг эстафета мусобақаси Ўйинлар бошланишининг ажралмас атрибутига айланиб бўлди. Бундан ташқари, ҳар сафар олов билан боғлиқ ёдда қоларли воқеалар содир бўлади. 1968 йилда мексикаликлар Кристофер Колумбнинг йўналишини такрорлашга ҳаракат қилишди, 1976 йилда эса олов лазер нурлари ёрдамида узатилди. 1980 йилда Москвада ўтган Олимпия ўйинларида машъалани таниқли спортчи Виктор Санеев Сергей Беловга узатганини ҳаяжон билан ёдга олишади. Белов ҳаяжондан спортчи қўлидаги машъала дастасини қаттиқ ушлаб олгач, Санеев қўлини ундан зўрға бўшатиб олади. 2008 йили Пекинга йўл олган машъала эстафетаси ҳам тарихда қолди: машъала ҳатто Ернинг энг баланд чўққиси – Эверестга ҳам олиб чиқилди. Хитойликлар ушбу жараён учун махсус кўтарма ҳам қуришган.

Дизайни маълум бир олимпиада учун ишлаб чиқарилган машъалаларга алоҳида эътибор қаратиш лозим. Aммо бу ҳақда бироз кейинроқ гаплашамиз …


новости
01 Августа 2022
Дунёда ўтадиган Олимпия ёки қитъа ўйинлари бўладими, чемпионатми, кубок баҳслари, ҳаммаси ўз рамзи, логотипи билан ташкил этилади. Қайси бирлари алоҳида кўриниши, дизайни, белгиси билан эсда қолса, қай бирлари икки кундан кейин ёдимиздан чиқиб кетади, лекин...
16 Июля 2022

Ўзбекистон Миллий антидопинг агентлиги, Спортни ривожлантириш вазирлиги, Миллий Олимпия қўмитаси ва Миллий паралимпия қўмиталари томонидан тасдиқланган «2024 йил Париж шаҳрида (Франция) бўлиб ўтадиган ёзги Олимпия ва Паралимпия ўйинларига Ўзбекистон спортчиларини тайёрлашда допинг қўлланилишини олдини олиш ва допингга қарши курашиш бўйича чора-тадбирлари тўғрисида»ги дастурга мувофиқ тадбирлар амалга ошириб келинмоқда.

20 Июня 2022
Бугун 20 июнь куни тонг саҳарда пойтахтимиздаги Ислом Каримов халқаро аэропортида Мексиканинг Леон шаҳрида оғир атлетика бўйича якунланган ўсмирлар ўртасидаги жаҳон чемпионатида 8 та кумуш ва 2 та бронза медалига мушарраф бўлган ёш оғир атлетикачиларимиз тантанали кутиб олинди.
 
15 Июня 2022
Хабарингиз бор, Мексиканинг Леон шаҳри ўсмирлар ўртасидаги Жаҳон чемпионатига мезбонлик қилмоқда. Мусобақа юртимиз шарафини ҳам умидли ёшларимиз муносиб тарзда ҳимоя қилмоқда. Кечагина ўтказилган 73 кг вазн тоифасидаги спортчилар мусобақасида ана шундай умидли спортчимиз Диёрбек Эрматов юртимиз ҳисобига дастлабки медалларни тақдим этди
14 Июня 2022
Мусобақанинг 3-куни 49 кг ва 55 кгдаги аёллар, 67 кгдаги эркаклар баҳслари билан давом этди.
Адрес:
Тошкент ш. Чилонзор тумани Фуркат 15/1