Фойдали рух 13.05.2020 11:09Рух инсон танасида ажралмас элемент ҳисобланади. Чунки у қуйидаги бир қатор муҳим функцияларни бажаради:
– нуклеин кислоталар, аминокислоталар, оқсиллар, ўзига хос гормонлар (масалан, инсулин ёки тестостерон) биосинтезида иштирок этади;
– тана қаршилигини кучайтиришга ёрдам беради;
– миянинг нормал ишлашини таъминлайди, хотирани, ақлий фаолиятни яхшилайди;
– нормал ўсиш ва ривожланишни таъминлайди ва ҳоказо.
Эркаклар учун рухнинг кунлик истеъмоли 11 мг; аёлларда эса 8 мг; ҳомиладор аёллар – 11 мг, ва эмизиклилар учун – 12 мг.
Aгар танада рух етарли бўлмаса, унда одам тез-тез шамоллай бошлайди, сочи тўкилиб кетиши ва юзида тошма пайдо бўлиши кузатилади. Ушбу метални инсон танасига киритиш жуда қийин. Шунинг учун қайси маҳсулотларда унинг таркиби энг юқори эканини билиш керак.
Таркибида юқори рух концентрацияси бўлган маҳсулотлар:
Қовоқ уруғи
Қовоқ уруғи таркибида катта миқдорда рух мавжуд – ҳар 10 г учун 10,3 мг. Бу кунлик истеъмолнинг 69 фоизини ташкил қилади. Бундан ташқари, улар қондаги қанд миқдорини камайтиради ва таркибида фойдали витамин ва аминокислоталарга эга.
Кешью
100 г кешью ёнғоғи таркибида 5,8 мг рух мавжуд. Бу кунлик дозанинг 39 фоизини ташкил қилади. Кешью турли хил таомларга қўшилиши мумкин. Уларни салатларда ишлатган жуда яхши. Ёнғоқ юрак-қон тизимига ижобий таъсир кўрсатади. Шунингдек, у қонда холестеринни суюлтиришга ёрдам беради.
Қора шоколад
70-85% какао массаси бўлган ҳақиқий қуюқ шоколадда кунлик рух истеъмолининг қарийб 33% топилади. Aммо, афсуски, шоколад юқори калорияли таомдир. Шунинг учун бу қора ширинликдан 60 г дан ортиқ истеъмол қилиб бориш тавсия этилади.
Пишлоқ
Турли пишлоқлар миқдорида кўплаб рух моддалари мавжуд. Айниқса, моцарелла, классик Швейцария пишлоғи ва чеддерда юқори концентрациялар. Бошқа ҳар қандай сут маҳсулотида бўлгани каби, пишлоқда бошқа фойдали моддалар етарли миқдорда мавжуд. Масалан, D витамини, оқсил ва кальций.
Ясмиқчалар (Чечевица)
Дуккаклилар, айниқса ясмиқларда бу металдан тахминан 1,3 мг мавжуд, яъни кунлик норманинг 8% ини ташкил қилади. Aммо шуни эътиборга олиш керакки, рух дуккакли ўсимликларда яхши сўрилмайди. Шунинг учун уни қайнатиладиган овқатда фойдаланинг.
Шуни ёдда тутингки, рухнинг кунлик максимал дозаси 40 г дан ошмаслиги керак. Агар сизда кўнгил айниш, диарея ва соғлиғингиз ёмонлашса, бу организмда рух концентрацияси ошганлигини англатади. Шунинг учун овқатларни тўғри истеъмол қилинг ва бетоб бўлманг.
Манба: https://lifehacker.ru/v-kakix-produktax-soderzhitsya-cink/
