График работы:
Д-Ж 9.00-18.00
Название
наш Адрес:
Тошкент ш. Чилонзор тумани Фуркат 15/1
ЗВОНИТЕ НАМ

Алишер Султанов Ўзбекистон Rowing&Canoe федерацияси раиси лавозимига сайланди

« Back

Алишер Султанов Ўзбекистон Rowing&Canoe федерацияси раиси лавозимига сайланди 05.09.2020 00:00

Бугун ZOOM платформасида Ўзбекистон Rowing&Canoe федерациясининг навбатдан ташқари онлайн ҳисобот-сайлов конференцияси бўлиб ўтди. Унда Жисмоний тарбия ва спорт вазирлиги, Миллий олимпия қўмитаси ва Энергетика вазирлиги раҳбарияти, Rowing&Canoe федерацияси Ижроқўм аъзолари ва мураббийлар иштирок этишди. Тадбирда кун тартибига қўйилган асосий масала федерация раиси Аҳмедов Худоёр Мамажоновичнинг ўз хоҳишига кўра лавозимидан бўшаш тўғрисидаги аризасини кўриб чиқиш, Х.Аҳмедов ўрнига янги раҳбар ва унга ўринбосарлар сайлаш, Ижроқўм таркибини қайта кўриб чиқиш бўлди.

Йиғилиш иштирокчилари бир овоздан Х.Аҳмедовнинг аризасини қабул қилишди. Ўз ўрнида Худоёр Мамажанович саломатлиги боис федерация фаолиятини бошқаришга вақт ажрата олмаётгани, ортда қолган 2 йилдан кўпроқ вақт давомида олиб борилган ҳамжиҳатликдаги иш учун ташаккур айтиб ўтди. Шундан сўнг федерация раислигига Ўзбекистон энергетика вазири Султанов Алишер Саидаббасович номзоди қўйилди. Йиғилиш иштирокчилари бир овоздан А.Султанов номзодини қабул қилишди ва Алишер Саидаббасович Ўзбекистон Rowing&Canoe федерациясининг янги раиси этиб сайланди.

Маълумот учун, Султанов Алишер Саидаббасович 1967 йил 29 ноябрь куни туғилган. Ўзбекистон Энергетика вазири Алишер Султанов спорт оиласига бегона эмас. Бу инсон 2017 январь – 2018 январь даври мобайнида Миллий олимпия қўмитаси президенти, кейинчалик 2018 йил декабрь ойигача Қўмита вице-президенти лавозимида ишлаган. Фаолияти давомида ўзбек футболига, хусусан аёллар футболини ривожлантиришга катта ҳисса қўшган. Шунингдек, маълум муддат Ўзбекистон шахмат федерациясини бошқарган. Узоқ йиллар давомида “Ўзбекнефтгаз” бошқарувида фаолият олиб борган. “Меҳнат шуҳрати” ордени соҳиби.

Алишер Султанов билан вақтида самарали фаолият олиб борганмиз. 2017 йил Ашхободда ўтган Жанг санъати ва ёпиқ иншоотлардаги Осиё ўйинлари, шу йил Бокуда Ислом бирдамлиги ўйинларида делегациямизга бошчилик қилган ва мамлакатимиз ушбу мусобақаларда юқори натижаларга эришган эди. Ишонаманки, Алишер Саидаббасович мазкур федерация бошқаруви учун муносиб номзод”, – деди МОҚ Бош котиби Ойбек Касимов.

Шунингдек, Қурбонов Шуҳрат Тўраевич федерация раҳбарининг ўринбосари бўлди. Тадбир давомида МОҚ президенти Рустам Шоабдураҳмонов ҳам ўз фикрларини билдириб ўтди.

Ҳурматли тадбир иштирокчилари, аввало, барчангизни Мустақиллигимизнинг 29 йиллиги билан табриклашга ижозат бергайсиз. Бугунги пандемия даврида барчангизга саломатлик тилаб қоламан. Муҳтарам Президентимиз айтганидек, бу вирус жуда айёр. Ўзингизни асранг. Биз Худоёр Мамажановичнинг фаолиятидан мамнунмиз. Ушбу спорт турини янада ривожлантириш йўлида Жисмоний тарбия ва спорт вазирлиги билан фаолият олиб бордик. Ортда қолган даврда Худоёр Аҳмедовнинг қилган меҳнати учун ташаккур айтамиз. Асосийси, у биздан узоққа кетгани йўқ. Бу инсон Самарқанддаги каналнинг қурилишига масъуллардан бири. Rowing&Canoe федерацияси вакиллари, бугун Сизларга яхши раҳбар сайланди. Улкан тажрибага эга бўлган мутахассис билан бирга ишлаймиз”, – деди Рустам Шоабдураҳмонов.

Шундан сўнг федерация Ижроия қўмитаси ва президиумига кирувчи расмийлар таркибини шакллантириш каби масалалар кўриб чиқилди.


новости
13 Сентября 2023
Бугун ўзбек спорти, хусусан, оғир атлетикасининг ёрқин вакилларидан бири Шаҳрулло Маҳмудов таваллуд айёмини нишонламоқда.
12 Сентября 2023

Саудия Арабистони пойтахти Ар-Риёд шаҳрида оғир атлетика бўйича давом этаётган жаҳон чемпионатининг кеча, 11 сентябрь кунги баҳслари ҳамюртларимиз учун омадли ўтди.

30 Августа 2023
Яна беш кундан кейини Саудия Арабистонининг Ар-Риёд шаҳрида оғир атлетика бўйича Париж-2024 Олимпия ўйинларининг рейтинг очколарини тақдим этадиган Жаҳон чемпионати баҳслари бошланади.
22 Августа 2023
Польшанинг Вилесзка шаҳрида оғир атлетика бўйича фахрийлар ўртасида ўтказилган жаҳон чемпионатида Ўзбекистон мадҳияси янгради.
20 Августа 2023
Нуфузли спорт мусобақаларига тайёргарлик жараёнлари турли ракурсларда олиб борилиши кеинги йилларда одам тусига кириб бормоқда. Айниқса, хорижий мамлакатларнинг терма жамоалари билан ўтказиладиган қўшма машғулотлар, бир нечта терма жамоалар иштирокидаги халқаро йиғинлар янгича босқичга чиққанлиги мусобақаларда совринли ўринларни эгаллашда муҳим аҳамият касб этмоқда.
Адрес:
Тошкент ш. Чилонзор тумани Фуркат 15/1