Акбар Жўраев: "Олимпиадага пухта тайёргарлик кўриш зарур" 24.04.2021 21:51Мамлакатимиз мезбонлигида ўтаётган оғир атлетика бўйича катталар ўртасида Осиё чемпионати якунланиб бормоқда.
Бугун "Ўзбекистон" мажмуасида мамлакатимиз байроғи баланд кўтарилиб, мадҳиямиз янгради. -109 кг вазн тоифасида курашган икки спортчимиз ҳам медалларга эга чиқди. Умидли, иқтидорли спортчиларимиздан бўлган Акбар Жўраев даст кўтариш, силтаб кўтариш ва икки уриниш натижаси бўйича ҳам кумуш медалларга сазовор бўлди.
Тақдирлаш маросимидан сўнг учта кумуш медалга сазовор бўлган спортчимиз фикрларига қизиқдик:
"Мусобақани кўнгилдагидек ўтказиб олдик. Олдинда бизни Олимпиада кутиб турибди. Энди Токиодаги мусобақага тайёрланамиз. Осиё чемпионатига Ўзбекистон биринчилиги орқали тайёргарлик олиб бордим. Ва мамлакат чемпионатида 1-ўринни эгаллагандим. Руслан Нурудинов билан Осиё чемпионатида бу қадар рақобатни кутмагандим. Аммо бу яхши деб ўйлайман", - деди Акбар Жўраев.
