Мақолалар

Ёшлар ўртасидаги Жаҳон чемпионатининг энг яхшилари ва бизнинг терма жамоaмиз иштироки хакида  11.05.2022 10:00

Грециянинг Ираклион шаҳри 10 кун давомида мезбонлик қилган Ёшлар ўртасидаги Жаҳон чемпионати ўз якунига етди. Бундай кўламдаги мусобақани юқори даражада ташкиллаштиргани учун Ўзбекистон оғир атлетика федерацияси Греция оғир атлетика федерациясига, Ираклион шаҳри департаментига ва Халқаро оғир атлетика федерциясига ўз миннатдорчилигини бирлдиради.

Мусобақадаги бир қанча статистика ва рақамларга тўхталиб ўтсак:
61 давлатдан 304 спортчи иштирок етди. Шу жумладан 153 нафар йигит ва 151 нафар қиз 10 та вазн тоифада медаллар учун кураш олиб борди.

Мусобақада энг кўп қатнашган терма жамоалар мезбон Греция (10 йигит + 10 қиз) ва AҚШ (10 йигит + 10 қиз) терма жамоалари қатнашди. Туркиядан 18 спортчи (10 йигит + 8 қиз) иштирок этди. 

Энг яҳши қизлар терма жамоаси (очко ҳисобида) - AҚШ 
Энг яхши йигитлар терма жамоаси (очко ҳисобида) - Туркия 

Энг кўп медал жамғарган қизлар терма жамоаси - Мексика (3-олтин 5-кумуш 4-бронза)
Энг кўп медал жамғарган йигитлар терма жамоаси - Aрманистон (5 олтин -4 кумуш -5 бронза)

Энг яхши қиз спортчи - Нина Стеркс (Белгия) -55кг вазн тоифасида 701 очко

Энг яхши йигит спортчи - Ҳоза Боҳдан (Украина) -109 кг вазн тоифасида 821 очко 

Чемпионат давомида 4 нафар спортчи турли вазнларда 5та ёшалр Жаҳон рекордларини янгилашга муваффақ бўлишди. Булар: -61 кг вазн тоифасида AҚШлик атлет Ҳемптон Моррис силтаб кўтаришда машқида 160 кг билан янги Жаҳон рекордини ўрнатди.

Индонезиялик Ризки Жуниансяҳ -73 кг вазн тоифасида ўзининг бир йил аввалги даст кўтаришдаги рекордини янгилади (156кг).

Навбатдаги рекорд украиналик спортчи томонидан 2 мартта янгиланди. Гап шундаки Ҳоза Боҳдан -109 кг вазн тоифасининг даст кўтариш машқида ўзининг 2-чи урунишида 191 кг билан рекордни 2 кгга янгилади ва 3чи урунишда эса 195 кг билан янги Жаҳон рекордини ўрнатди.

Ва мусобақанинг сўннги куни супер оғир вазнда эронлик Aли Ризо Юсуфи ҳам ўзиниг силтаб кўтаришдаги рекордини янгилади - 239кг.

Ўзбекистон терма жамоаси иштироки ҳақида

Ўзбекистон шарафини 6 нафар спортчиларимиз муносиб ҳимоя қилдилар.

Келинг, аввало ушбу мусобақада қатнашган спортчиларимизнинг қайд етган натижаларига тўхталсак. Мусобақада иштирок этган 6 атлетимизнинг 5 нафари медал қўлга киритди. Бу эса Ираклион сафарига энг оптимал таркиб йўл олганини кўрсатмоқда.

-55 кг: Жамила Панфилова (2 та бронза)
-73 кг: Оғабек Тўхтайев (4-ўрин)
-89 кг: Ҳожиакбар Олимов (1 та кумуш)
-102 кг: Шарофиддин Aмриддинов (2 та олтин, 1 та кумуш)
-87 кг: Турсуной Жабборова (3 та олтин)
+109 кг: Мирҳосил Мирзабойев (3 та кумуш)

Жамоамиз 12 та ( 5 та олтин, 5 та кумуш ва 2 та бронза) медал қўлга киритиб медаллар жамғармасида 18 нафар спортчи билан иштирок этган Туркия ва Индонезиядан кейин 3-ўринни эгаллаганлиги, мусобақада ёшлармиз юртимиз шарафини муносиб ҳимоя қилганлидан далолат беради.

Терма жамоамиз учун мусобақа 3 май куни -55 кг вазн тоифасининг A-гуруҳида Панфилова Жамила бошлаб берди ва биринчи медалимизни ёш ва умидли спортчимиз қўлга киритди. Даст кўтариш машқида жамила 86 кг билан бронза медалига эга чиқди. Силтаб кўтаришда бироз омад юз ўгирган бўлишига қарамай Жамила иккикураш натижасига кўра Жаҳонда учинчи бўлди.

Терма жамоамиз навбатдаги аъзоси Тўхтайев Оғабек мусобақанинг энг кучли вазн тоифасида қатнашди десак муболаға бўлмайди. Сабаби -73кг вазн тоифасида бронза медали сохиби (327кг) қилган натижани кейинги вазн тоифаси -81кг вазн тоифаси чемпиони қила олмади (324 кг).
Шундай бўлсада юртдошимиз уларга муносиб рақобаттлаша олди ва Жаҳон биринчилигини 4-ўрин билан якунлади.

-89 кг гача бўлган вазнда яна бир спортчимиз Ҳожиакбар Олимов терма жамомизнинг медаллар жамғармасига кумуш медални тақдим этди.Ҳожиакбар силтаб кўтаришда 188кг билан иккинчи ўрин эгасига айланди.

Терма жамоамизга Жаҳон чемпионатидаги биринчи олтин медални, сўнгги икки Олимпия Ўйинлари ғолиблари ва рекордчилари Aкбар Жўрайев ва Руслан Нурудиновга издош ва келажакда ўринбосар сифатида кўрилётган, иқтидорли спортчимиз, Самарқанд ўғлони, Шарофиддин Aмриддинов тақдим қилди. Даст кўтаришда фаластинлик Муҳаммад билан бир хил, 168кг, оғрлик кўтарди, лекин Муҳаммад Ҳамада ушбу вазнни Шарофиддиндан олдин ўзига бўйсундиргани учун даст кўтариш олтинини олган бўлса. Силтаб кўтариш спортчимиз рақибларига ҳеч қандай имконият қолдирмади ва 204 кг билан силтаб кўтаришда ва 372 кг билан иккикурашда Олтин медал соҳибига айланди. Спортчимиз шарафига Грецияда биринчи бор юртимиз мадҳияси янгради.

Шу куннинг ўзида яна бир ўзбек спортчисига жаҳонда тенг келадига рақиб топилмади.

Турсуной Жабборова яна -87кг вазн тоифада тенгсиз бўлди.

Aмалдаги Ёшлар жаҳон чемпиони, Катталар ўртасида даст кўтаришда жаҳон чемпиони, даст кўтариш ўзининг биринчи урунишидаёқ олтин медал соҳибига айланди ва учинчи уринишдан сўнг энг яқин тақибчисидан +9кг га ўтиб кетди . Силтаб кўтаришда эса Турсунойга рақиблик қилишга урунишди лекин спортчимиз жаҳонда биринчи эканлигини яна бир бор исботлади.

Натижада ушбу кун Ираклионда Ўзбекистон учун аталгандек ёхуд Турсуной Жабборованинг ғалабаси шарафига иккинчи бор мадҳиямиз янгради.

Жамоамизнинг сўннги аъзоси супер оғир вазнда (+109кг) иштирок этган спортчимиз Мирҳосил Мирзабайев 10-май медаллар учун курашга қўшилди. Кутилганидек, ҳар икки машқда ҳам олтин медал учун ҳамюртимизга эронлик Aли Ризо рақобатчи бўлди. Даст кўтариш машқида Мирҳосил Мирзабайев 176 кг натижа билан кичик кумуш медалга сазовор бўлди. Силтаб кўтариш машқида 212 кг тошни кўтаришни уддалаган Мирҳосил мусобақа тугамасдан камида кумуш медални нақд қилиб қўйди. 

Иккикурашда Мирҳосил 388 кг билан кумуш медал соҳибига айланди ва терма жамоамизга сўнгги (3 та кумуш) медалларни тақдим этди.

Шу тариқа терма жамоамиз ўз иштирокини муваффақиятли тарзда якунлади.